Xaçmazda qaz xətti zədələnib, 13 kəndin mavi yanacaqla təminatında fasilə yaranıb

Xaçmaz rayonunun Ağaverdioba kəndindən keçən ortatəzyiqli qaz xətti naməlum səbəbdən zədələnib.

Avtosfer.az xəbər verir ki, bu barədə Xaçmaz Regional Qaz İstismarı İdarəsindən məlumat verilib. 

Bildirilib ki, bu səbəbdən 13 kənddə təbii qazın verilməsində müvəqqəti fasilə yaranıb. Hazırda 2500-dək abonentin yenidən mavi yanacaqla təminatı üçün iş aparılır.

Abonentlərdən qaz avadanlıqlarını nəzarətdə saxlamaq və təhlükəsiz tədbirlərinə riayət etmək tövsiyə olunur.