Yaxınlaşan maşını son anda görən piyada özünü itirdi; avtobusun önünə yıxıldı - VİDEO

Sumqayıt şəhəri, Heydər Əliyev prospektində təhlükə yaradan piyada avtomobilin kamerasına yansıyıb.

Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Kadrdan da göründüyü kimi, gənc oğlan yolu təyin olunmamış yerdən keçməyə çalışıb. Belə ki, yaxınlaşmaqda olan maşını qəfil görən piyada bu vaxt özünü itirərək qaçıb. Lakin o, yola yıxılaraq çətin anlar yaşayıb. Belə ki, dayanmış avtobusun önünə düşən piyada ayağa qalxaraq yoldan kənarlaşıb. 

Qeyd edək ki, görüntünü qeydə alan avtomobildəki sürücü videonu sosial şəbəkə hesabında paylaşıb. O, qayda vaxtında maşını saxladığını və sağ zolaqdakı avtobusun da hərəkətdə olmadığını bildirərək piyadanın qəzadan son anda xilas olduğunu vurğulayıb. 

Nərmin