Yeniyetmə oğlan dostunu 10 manat üstündə öldürübmüş - TƏFƏRRÜAT - YENİLƏNİB

19.08.2025-ci il tarixində saat 20:00 radələrində 2010-cu il təvəllüdlü şəxs (kişi cinsli) ağır vəziyyətdə Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.

TƏBİB-dən Avtosfer.az-a verilən məlumata görə, qarının ön divarının açıq yarası diaqnozu təyin edilən şəxsin aparılan reanimasiya tədbirlərinə baxmayaraq, saat 21:40 radələrində ölüm faktı qeydə alınıb.

****

Gəncədə yeniyetmənin qətlinin bəzi detalları üzə çıxıb.

Avtosfer.az unikal-a istinadən xəbər verir ki, qətlə yetirilən Tunar Məmmədova hadisəni törədən Arif Hətəmovun 10 manat borcu olub. 10 manata görə tərəflər arasında bir neçə dəfə mübahisə olub. Lakin hadisədən əvvəl A.Hətəmov 10 manat borcunu Tunar Məmmədova qaytarıb. Sonra hadisəni törədən şəxs Tunar Məmmədovu şəhərin Natavan qəsəbəsində dəmiryolu xəttinin yaxınlığına söhbət etmək üçün çağırıb. Yenidən tərəflər arasında mübahisə düşüb. Bu zaman Arif Hətəmov özü ilə gətirdiyi bıçaqla Tunar Məmmədovu vurub. Bıçaq xəsarəti alan yeniyetmə dərhal xəstəxanaya aparılıb. Lakin həkimlər onun həyatını xilas edə bilməyiblər.

Məlumata görə, hər iki yeniyetmə dost olub.

Faktla bağlı araşdırma aparılır.