Yolu keçən tələbələri maşın vurdu: Vəziyyətləri AĞIRDIR

Naxçıvan şəhərində ağır yol qəzası baş verib.

Avtosfer.az "Report"a istinadən xəbər verir ki, hadisə şəhərin Heydər Əliyev prospektində qeydə alınıb.

Belə ki, KIA markalı avtomobil yolu qarşı tərəfə keçən 2006-cı il təvəllüdlü Amin İntiqam oğlu Allahverdiyev və Zaur Fizuli oğlu Məhərrəmovu vurub.

Xəstəxanaya yerləşdirilən yaralıların vəziyyətləri orta-ağırdır.

Hadisə yerinə polis əməkdaşları cəlb olunublar, faktla bağlı araşdırma aparılır.

Qeyd edək ki, onların Naxçıvan Dövlət Universitetinin tələbələri olduğu bildirilir.