Zaqatala-Qax sərhədində zəlzələ olub

Zaqatala-Qax sərhədində zəlzələ olub. Avtosfer.az xəbər verir ki, bu barədə Respublika Seysmoloji Xidmət Mərkəzi məlumat yayıb. Bildirilib ki, zəlzələ yerli vaxtla 04:59-da 3.3 maqnitudalı və 17 km dərinlikdə qeydə alınıb. Zəlzələ hiss olunmayıb. Qeyd edək ki, bu gün səhər 05:46-da Qala stansiyasından 76 km şimal-şərqdə Xəzər dənizində də zəlzələ qeydə alınıb.