Aqrar Xidmətlər Agentliyinə bir gün vaxt verildi: Bir gündə iki tenderi ləğv edildi

Kənd Təsərrüfatı Nazirliyi yanında Aqrar Xidmətlər Agentliyinin bir gündə iki tenderi ləğv edilib.

Avtosfer.az xəbər verir ki, bu barədə rəsmi qaynaqlardan məlumat yayılıb.

Bildirilir ki, tenderlərdən biri Aqrar Xidmətlər Agentliyinin Heyvan Sağlamlığı və Baytarlıq Xidmətləri Mərkəzi üçün Qarayara, Çiçək və infeksion Nodulyar Dermatit xəstəliklərinə qarşı peyvənd vasitələrinin alınması bağlı olub. 3 milyon 185 min 61 manatlıq bu tenderin ləğvinə səbəb konkret olaraq göstərilməyib. Məlum olan odur ki, Antiinhisar və İstehlak Bazarına Nəzarət Dövlət Xidməti tenderin 1 iş günü ərazində ləğv edilməsi tələbini qoyub.

İkinci tender isə Aqrar Xidmətlər Agentliyi və tabeliyində olan mərkəzlər üçün yanğınsöndürmə balonları, yanğından mühafizə ləvazimatları və ilkin tibbi yardım çantalarının alınması ilə əlaqəlidir. 62 min 528 manatlıq müsabiqənin ləğvinin səbəbi elə ilk tenderdən fərqli olmayıb.