Azərbaycanda ən gəlirli və ən zərərli sığorta növləri məlum olub

Xəbərlər 5 Dekabr 2022 20:53

WhatsApp kanalımıza abunə ola bilərsiniz

Azərbaycan Mərkəzi Bankı 2022-ci ilin yanvar-oktyabr ayları üzrə sığorta bazarının maliyyə göstəricilərini açıqlayıb.

Sığorta şirkətləri üçün ən zərərli sığorta növü (digər icbari sığorta növləri çıxılmaq şərtilə) avtomobillərin icbari sığortası (NVSMMİS) olub. Bu növ üzrə ödəniş-yığım nisbəti 82,9% təşkil edib. Bu dövrdə ən gəlirli sığorta növü isə hava nəqliyyatı vasitələri sahiblərinin mülki məsuliyyətinin sığortası olub. Bu sığorta növü üzrə 6,6 milyon manatdan çox sığorta haqqı toplanılsa da, bu ilin ötən on ayında hər hansı bir ödəniş edilməyib. Ümumilikdə isə 31 sığorta növündən 8-i üzrə sığorta haqqı toplanılsa da ödəniş olmayıb. Digər sığorta növləri üzrə göstəricilər aşağıdakı kimidir: (apa)

Sığorta növü	Sığorta yığımı (min AZN)	Sığorta ödənişi	Ö/Y nisbəti
Digər icbari sığorta növləri	22,0	681,5	3091,43%
İcbari avtosığorta (ANSMMİS)	91 073,3	75 539,9	82,94%
Tibbi sığorta	95 764,1	61 716,1	64,45%
Həyatın yaşam sığortası	327 112,1	197 402,2	60,35%
Avtonəqliyyat vasitələrinin sığortası	34 670,7	13 970,1	40,29%
Kənd təsərrüfatı heyvanlarının sığortası	2 732,9	775,7	28,38%
Kənd təsərrüfatı bitkiləri məhsullarının sığortası	5 539,2	718,4	12,97%
Həyatın ölüm halından sığortası	21 963,0	2 112,5	9,62%
Su nəqliyyat vasitələrinin sığortası	5 388,7	485,3	9,01%
Fərdi qəza və xəstəlik sığortası	2 757,9	196,0	7,11%
Xaricə səfər edən vətəndaşların sığortası	4 374,3	306,6	7,01%
Sağalmaz xəstəliklərdən sığorta	1 158,5	60,2	5,20%
İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta	58 128,9	2 864,8	4,93%
Avtonəqliyyat vasitələri sahiblərinin mülki məsuliyyətinin sığortası	1 410,9	54,1	3,83%
Daşınmaz əmlakın istismarı ilə bağlı mülki məsuliyyətin icbari sığortası	792,0	28,5	3,60%
Əmək qabiliyyətinin sığortası	1 204,7	32,3	2,68%
Əmlakın yanğından və digər risklərdən sığortası	51 131,1	1 263,6	2,47%
Daşınmaz əmlakın icbari sığortası	45 688,3	963,2	2,11%
Yüklərin (nəqliyyat) sığortası	4 566,0	33,7	0,74%
Ümumi mülki məsuliyyətin sığortası	10 621,1	34,4	0,32%
Hava nəqliyyatı vasitələrinin sığortası	21 275,9	57,8	0,27%
Kreditlərin sığortası	1 152,8	0,1	0,01%
Dəmiryol nəqliyyatı vasitələrinin sığortası	72,5	0,0	0,00%
Əmlakın sığortası ilə bağlı digər siniflər, o cümlədən:	261,4	0,0	0,00%
İşçilərin dələduzluğu sığortası	261,4	0,0	0,00%
Hava nəqliyyatı vasitələri sahiblərinin mülki məsuliyyətinin sığortası	6 627,2	0,0	0,00%
Peşə məsuliyyətinin sığortası	822,9	0,0	0,00%
İşəgötürənin məsuliyyət sığortası	706,0	0,0	0,00%
Yük daşıyanın mülki məsuliyyətinin sığortası	0,9	0,0	0,00%
Su nəqliyyatı vasitələri sahiblərinin mülki məsuliyyətinin sığortası	120,6	0,0	0,00%
İşin dayanması ilə bağlı risklərdən sığorta	417,4	0,0	0,00%
Sərnişinlərin icbari fərdi qəza sığortası	67,6	0,0	0,00%