Sosial şəbəkələrdə qaz xəttinin altında uşaq əyləncə qurğusunun yerləşdirilməsi barədə fotolar yayılıb.

Bildirilib ki, Binəqədi rayonu, 9-cu mikrorayon ərazisindəki həyətlərin birində mini-park yaradılıb, amma vaxtilə ətrafda tikilən ofis binasına çəkilən qaz xətti parkın üzərindən keçir.

Məsələ barədə Binəqədi Rayon İcra Hakimiyyəti ilə əlaqə saxladıq. 

Qurumun mətbuat xidmətindən bildirilib ki, məsələ öz həllini tapacaq:

“Adı çəkilən ərazidə təmir-bərpa işləri yekunlaşmayıb. Qaz xəttinin müvafiq qaydada çəkilməsi ilə bağlı aidiyyəti qurumlara müraciət olunub. Bu məsələ parkın təmir işləri ərəfəsində öz həllini tapacaq”.