"Bayraktar TB2" ilkə imza atdı

Türkiyənin "BAYKAR Teknoloji" şirkətinin istehsal etdiyi "Bayraktar TB2" pilotsuz uçuş aparatı dünya aviasiya tarixində ilkə imza atıb.

Avtosfer.az "Haber Global" telekanalına istinadla xəbər verir ki, "Bayraktar TB2" təkmilləşdirilmiş manevr avtonomluğu və idaretməni sərbəst şəkildə bərpa edə bilmək üzrə sınaqları uğurla başa vurub.

Bu manevr indiyədək heç bir silahlı pilotsuz uçuş aparatı tərəfindən uğurla tətbiq edilməmişdi.

Bundan başqa, "Bayraktar TB2" 1 milyon saat uçuş həyata keçirərək rekord göstəriciyə imza atıb.