Binəqədi rayonu, “Baksol” yaşayış massivinin yolu bərbad vəziyyətə salınıb.

Burada kanalizasiya xətlərinin çəkilişi üçün yollar qazılıb, işlər bitdikdən sonra isə sıradan çıxarılmış asfalt qatı bərpa edilməyib.

 İncəçay küçəsində yaşayan sakinlərin sözlərinə görə, bir neçə il əvvəl onların yaşadıqları bu küçə asfaltlanıb. Ancaq bir müddət sonra ərazidə kanalizasiya xətlərinin yenilənməsi çərçivəsində yollar qazılıb. İşlər bitsə də asfalt qatı bərpa edilməyib.

Məsələ ilə bağlı ''Azərsu'' Açıq Səhmdar Cəmiyyətinin mətbuat katibi Anar Cəbrayıllı bildirib ki, Binəqədi sukanal idarəsinin işçiləri tərəfindən 4 saylı kanalizasiya nasos stansiyasının təzyiqli çıxış xətlərinin yenilənməsi işləri görülüb. Əlavə edilib ki, həmin yol yaxın vaxtlarda bərpa ediləcək.