Britaniya kəşfiyyatı Minskə yerləşdirilən "Kinjal" və qırıcılar aşkarladı - FOTO

Belarusda, Minsk yaxınlığındakı Maçulişçi aerodromunda Rusiyanın iki MiQ-31 təyyarəsi aşkarlanıb. Bundan başqa "Kinjal" hipersəs raketlərinin saxlanması üçün istifadə olunanı konteynerlər quraşdırılıb. AzVision.az xəbər verir ki, bu barədə Britaniya kəşfiyyatının hesabatında məlumat verilib.

Yeni kəşfiyyat məlumatları: Rusiyanın neçə “İskəndər” və “Kalibr”i qalıb? Britaniya kəşfiyyatı Rusiya qırıcısının oktyabrın 17-də peykdən çəkilmiş şəklini də dərc edib. Fotoda iki MiQ-31 təyyarəsi nəzərə çarpır.

Qeyd olunur ki, Rusiya "Kinjal" raketlərindən 2018-ci ildən istifadə edir. Lakin əvvəllər onları Belarusda yerləşdirməyib. Britaniya kəşfiyyatının məlumatına görə, Rusiya Ukraynaya qarşı müharibədə Kinjal raketlərindən istifadə edib, lakin bu raketlərin ehtiyatları xeyli məhdudlaşıb.

Kəşfiyyatçılar vurğulayıblar ki, raketlər 2000 km məsafəlik uçuşa malik olduğundan Belarusda “Kinjal”ların yerləşdirilməsi Ukraynaya qarşı müharibədə Moskvaya az üstünlük verir. Yəqin ki, Moskva bu raketləri Qərbə siyasi mesaj vermək və Belarusu müharibədə iştirakçı kimi nümayiş etdirmək üçün verib.