Bu yolda sürət həddi endirildi - SƏBƏB

Yağışlı hava şəraiti ilə əlaqədar Zığ dairəsi-Hava Limanı yolunda sürət həddi müvəqqəti olaraq endirilib.

Avtosfer.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzindən məlumat verilib.

Bildirilib ki, yolun bütün zolaqları üzrə sürət həddi 20 km/saat azaldılıb.

Bununla əlaqədar sürət tablolarında “sürüşkən yol” işarəsi aktivləşdirilib.

Sürücülərdən hava və yol şəraitini nəzərə almaları, müəyyən edilmiş sürət həddinə əməl etmələri xahiş olunur.