Türkiyənin Azərbaycandakı səfiri Cahit Bağçı Qarabağda gedən quruculuq işləri ilə bağlı görüntülər paylaşıb. Kadrlarda Füzulidən Şuşaya gedən yolun tikinti işləri əks olunub.   

Avtosfer.az-ın məlumatına görə, diplomat görülən işlərdə Azərbaycan və Türkiyə şirkətlərinin əl-ələ verib fəaliyyət göstərməsini alqışlayıb.

“Mühəndislik və təcrübələri ilə möcüzələr yaradırlar”, - deyə səfir görülən işlərlə bağlı heyrətini gizlədə bilməyib.