Çin dəyəri 17 milyard dollar olan 140 təyyarə alır

Çinin “Airbus”dan 140 sərnişin təyyarəsi alacağı bildirilir.

APA xəbər verir ki, bu barədə şirkətdən məlumat verilib.

Çin Aviasiya Avadanlıq Təchizat Şirkətinin “Airbus”la 132 “A320” və 8 “A350” tipli sərnişin təyyarəsi almaq üçün razılaşma əldə etdiyi açıqlanıb.

Açıqlamada Almaniya kansleri Olaf Şoltsun ötən gün Pekinə səfəri zamanı müqaviləni imzaladığı bildirilib.

Onun ümumi dəyəri 17 milyard dollardır.