Dəmir yolu işçiləri etiraz aksiyalarına başlayacaqlar

Polşada dəmir yolu işçiləri iyulun 28-dən etibarən ölkə üzrə etiraz aksiyalarına başlayacaqlar.

Avtosfer.az xəbər veri ki, bu barədə “RMF FM” radiosu məlumat yayıb.

Həmkarlar ittifaqlarının açıqlamasına görə, hökumətin nəqliyyat siyasətində dəyişiklik edilməlidir, əks halda dəmir yolu sektorunda iflic vəziyyəti və kütləvi ixtisarlar qaçılmaz olacaq.

Etirazçıların əsas narazılıqları arasında dəmir yollarına dövlət dəstəyinin olmaması, infrastrukturdan istifadə üçün yüksək tariflər və Avropa İttifaqında ən bahalı lokomotiv enerjisi yer alır.