İkinci Qarabağ müharibəsi şəhidinin xatirəsinə körpü salınıb.  

Oxu.az-ın məlumatına görə, şəhid Xəyal Məmmədovun adına Göyçay rayonunun Birinci Ərəb-Cəbirli kəndində onun adını daşıyan “Xəyal körpüsü”nün açılışı olub. 

Kənd sakinlərinin şəxsi vəsaitləri hesabına inşa edilən körpü bu gün şəhid Xəyal Məmmədovun doğum günündə istifadəyə verilib.

Qeyd edək ki, “Xəyal körpüsü”nün hündürlüyü 4,5 metr, uzunluğu 11 metr, eni isə 7 metrdir.

Xatırladaq ki, şəhid Xəyal Məmmədov 13 fevral 1989-cu ildə Göyçay rayonunun Birinci Ərəb-Cəbirli kəndində anadan olub. O, həm də 2016-cı ilin Aprel döyüşlərində də iştirak edib. İkinci Qarabağ müharibəsində iştirak edən X.Məmmədov oktyabrın 2-də Suqovuşan uğrunda gedən döyüşlərdə şəhidlik zirvəsinə ucalıb. O, oktyabrın 3-də doğulduğu kənddə dəfn olunub.