“Kristal”dan vergi borcu ilə bağlı AÇIQLAMA

Son günlər bəzi media resurslarında “Kristal”ın guya külli miqdarda vergi borcunun olması ilə bağlı həqiqətə uyğun olmayan məlumatlar yenidən yayımlanıb.
Avtosfer.az xəbər verir ki, şirkət bununla bağlı açıqlama yayıb.
“Bir daha qəti şəkildə bəyan edirik ki, “Kristal Bakı” ASC-nin dövlət büdcəsi qarşısında hər hansı vergi borcu mövcud deyil. Şirkətimiz vergi öhdəliklərini qanunvericiliyin tələblərinə uyğun olaraq vaxtında və tam şəkildə yerinə yetirir.
Təəssüf ki, bəzi media nümayəndələri müxtəlif hüquqi şəxsləri “Kristal”la eyniləşdirərək, həmin şirkətlərə aid olduğu iddia edilən vergi borclarını əsassız şəkildə şirkətimizin adına çıxarırlar. Xüsusi olaraq vurğulayırıq ki, şirkətimizə aid olmayan hüquqi şəxslərin vergi borclarının “Kristal Bakı” ASC-yə aid edilməsi yolverilməzdir.
Şirkətimizə bununla bağlı daha əvvəl də media sorğusu ünvanlanmış və həmin sorğuya rəsmi qaydada ətraflı cavab verilmişdir. Buna baxmayaraq, eyni məzmunlu əsassız məlumatların təkrar yayımlanması ciddi narahatlıq doğurur.
Bildiririk ki, “Kristal Bakı” ASC-nin vergi borcunun olub-olmaması barədə məlumatları Azərbaycan Respublikasının İqtisadiyyat Nazirliyi yanında Dövlət Vergi Xidmətinin müvafiq açıq informasiya resursları vasitəsilə yoxlamaq mümkündür. Media nümayəndələrini məlumatları dərc etməzdən əvvəl onların doğruluğunu rəsmi mənbələr əsasında yoxlamağa çağırırıq.
Şirkətimizin işgüzar nüfuzuna xələl gətirən, ictimaiyyətdə yanlış təsəvvür formalaşdıran və həqiqətə uyğun olmayan məlumatların yayılmasını qəbuledilməz hesab edirik.
Bu cür məlumatların yayılmasına görə məsuliyyət daşıyan şəxslərə və media qurumlarına münasibətdə şirkətimiz qanunvericiliklə nəzərdə tutulmuş hüquqi müdafiə vasitələrindən istifadə edəcək, məhkəmə qaydasında müvafiq tələblər irəli sürəcəkdir.
Kristal öz fəaliyyətində şəffaflıq, qanunvericiliyə riayət olunması və ictimaiyyətin düzgün məlumatlandırılması prinsiplərini rəhbər tutur. Şirkətimizin işgüzar nüfuzunun qorunması istiqamətində bütün qanuni hüquqlarımızdan istifadə etməkdə qətiyyətliyik”, - məlumatda bildirilib.
Bakının bu ərazilərinə giriş ödənişli olacaq – Tarixi qərar…
Taksi sürücüsü olmaq istəyənlərin NƏZƏRİNƏ
DTX-dən silahlı birləşməyə qarşı əməliyyat: Həbs edilənlər var - FOTO
Gülarəni öldürməkdə şübhəli bilinən gənclə bağlı yeni faktlar: Atası danışdı
Dövlət qurumlarının iş vaxtı dəyişdi: İki aylıq sınaq tıxacı azaltdımı?
Avtobuslar üçün ayrıca işıqforlar neçə marşrutu əhatə edəcək? - AÇIQLAMA
Bakıda bəzi yollarda hərəkət məhdudlaşdırılacaq
Tonlarla şokolad və peçenyeni oğurlayıb satdı, puluna yük maşını aldı
“Avtobusu yük maşını kimi sürür, siqaret çəkir, söyüş söyür” – 7 və 7A-dan ŞİKAYƏT
General Natiq Əliyevin qızı ilə bağlı qərar verildi
Azərbaycanda qurum rəhbəri 6000 manat maaş alacaq












