“Nazirlər Kabineti yanında Operativ Qərargahın tərtib etdiyi qrafikə uyğun olaraq, dövlət qulluqçularının və deputatların vaksinasiyası həyata keçiriləcək”.

Bunu Avtosfer.az-a açıqlamasında Milli Məclisin Əmək və sosial siyasət komitəsinin sədri Musa Quliyev deyib.

“Nazirlər Kabineti yanında Operativ Qərargahın tərtib etdiyi qrafikə uyğun olaraq, Azərbaycanda vaksiyasiya prosesi həyata keçirilir. Bildiyiniz kimi, ilk növbədə tibb işçilərinin, daha sonra isə hüquq mühafizə orqanlarının əməkdaşlarının və digər şəxslərin vaksinasiyası həyata keçiriləcək. Burada əsasən, təhlükəsizlik və daha çox yoluxma ehtimalı daha çox onlar nəzərə alınır. Bunun üçün deputat, tibb işçisi olmaq önəmli deyil. Qrafikə uyğun olaraq, Milli Məclisin deputatları, o cümlədən, Milli Məclis Aparatının işçiləri də vaksinasiyadan keçəcəklər”, - komitə sədri bildirib.