Moskvada yollar buz bağlayıb, 52 avtomobil toqquşub - VİDEO

Moskvada 52 avtomobilin toqquşması nəticələnən zəncirvari yol-nəqliyyat hadisəsi baş verib.

Avtosfer.az-ın məlumatına görə, hadisə Ryabinovaya küçəsində gecə saatlarında qeydə alınıb. Temperaturun 0 dərəcədən aşağı düşməsi, yolların buz bağlaması nəticəsində 52 nəqliyyat vasitəsi toqquşub. Zəncirvari qəzada Ryabinovaya küçəsindən Miçurinskiy prospekt istiqamətində yol tam bağlanıb.

Yol Patrul Xidməti Müfəttişliyi sürücülərə qış şinləri olmayan avtomobildən istifadə etməmək barədə xəbərdarlıq edib.

apa