Naxçıvanın həbsdə olan sabiq daxili işlər nazirindən XƏBƏR VAR - YENİLƏNİB

Naxçıvanın həbsdə olan sabiq daxili işlər naziri Əhməd Əhmədov xəstəxanaya yerləşdirilib.

Sabiq nazirin saxlandığı cəzaçəkmə müəssisəsində səhhəti ağırlaşıb.

Bu səbəbdən o, cəzaçəkmə müəssisəsindən Naxçıvan Diaqnostika Müalicə Mərkəzinə köçürülüb.

Qeyd edək ki, Əhməd Əhmədovun barəsində hökmdən Ali Məhkəməyə kassasiya şikayəti verilib.(apa)

***

Naxçıvan Muxtar Respublikasının sabiq daxili işlər naziri Əhməd Əhmədov azadlığa buraxılıb.

Manset.az-ın əldə etdiyi məlumata görə, general-leytenant Ə.Əhmədov bu gün günorta saatlarında həbsdən azad edilib.

Hazırda vəziyyəti pis olduğu üçün Naxçıvanda xəstəxanaya yerləşdirilib.

Qeyd edək ki, Naxçıvan Muxtar Respublikasının sabiq daxili işlər naziri Əhməd Əhmədov bu günlərdə azad olunması üçün Ali Məhkəməyə kasasiya şikayəti verib.

Xatırladaq ki, Ə.Əhmədov 2017-ci ilədək Naxçıvan Muxtar Respublikasının daxili işlər naziri vəzifəsində çalışıb.O, 2017-ci ildə vəzifəsindən azad olunduqdan sonra həbs edilib.