Oman sahillərində zərbə dronu neft tankerinə hücum edib

Oman sahillərində partlayıcı ilə təchiz edilmiş dron israilli milyarderlə əlaqəsi olan Liberiya bayraqlı “Pacific Zircon” neft tankerinə hücum edib.

Bu barədə Yaxın Şərq ölkələrindən birinin Müdafiə Nazirliyinin nümayəndəsi məlumat yayıb.

Məlumata görə, “Pacific Zircon” israilli milyarder İdan Oferə məxsus olan Sinqapurda yerləşən “Eastern Pacific Shipping” şirkəti tərəfindən idarə olunur.

Şərqi Sakit Okean Gəmiçiliyi tankerin Oman sahillərindən təxminən 240 kilometr aralıda hücuma məruz qaldığını bildirib.

“Gəmi ilə təmasdayıq. Xəsarət alanlarla bağlı məlumat yoxdur. Bütün ekipaj üzvləri təhlükəsiz şəraitdə gəmidədirlər. Gəminin gövdəsində cüzi zədə var, lakin neft və ya su sızması yoxdur”, - şirkətdə vurğulanıb.

Hazırda heç kim hücuma görə məsuliyyəti üzərinə götürməyib, lakin şübhələr dərhal İranın üzərinə düşür. Belə ki, Tehran və İsrail Yaxın Şərqdə onilliklər boyu kölgə müharibəsi aparır, bəzi PUA-lar İsraillə əlaqəli gəmiləri hədəf alır.

oxu.az