Qadağan olunmuş səs siqnalları aşkar satılır: quraşdırsanız CƏRİMƏSİ VAR - VİDEO

Sosial şəbəkələrdə istifadəsi qadağan olunmuş səs siqnalları aşkar şəkildə satılır.

Avtosfer.az xəbər verir ki, elan səhifələri müxtəlif video və fotolar paylaşaraq avtomobillərə bu siqnalları quraşdırmağı təklif edir. Lakin qanunla bu qadağandır və cəriməsi var. Belə ki, İnzibati Xətalar Məcəlləsinin 342.9-cu maddəsinə əsasən nəqliyyat vasitələrinin müvafiq icazə olmadan xüsusi (çoxavazlı) səs siqnalları, həmçinin  əhalinin dincliyini nümayişkaranə şəkildə pozan səs siqnallarından istifadə edilməsinə görə inzibati xətanın törədilməsində alət və ya inzibati xətanın bilavasitə obyekti olmuş predmet müsadirə edilməklə, beş yüz manatdan səkkiz yüz manatadək məbləğdə cərimə edilir.