Sabiq məmurun rəhbəri olduğu şirkətin milyonlarla borcu var

Müxtəlif dövlət qurumlarının tenderlərinin qalibi olan "Star-Construktion 12" Qapalı Səhmdar Cəmiyyətinin (QSC) külli miqdarda vergi borcu yaranıb. 

Ölkə.az xəbə verir ki, QSC-nin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə borcu 2.985.320,42 manatdır. 

Qeyd edək ki, nizamnamə kapitalı 2050 manat olan şirkətin hüquqi ünvanı Bakı şəhəri, Binəqədi rayonu, Binəqədi şossesi, ev 53, qanuni təmsilçisi Bayramov Mirsahib Atamalı oğludur. O, uzun illər Bakı şəhəri üzrə Təhsil İdarəsində Təmir-tikinti və təchizat sektorunun müdiri olub.

Mirsahib Bayramovun rəhbərlik etdiyi QSC uzun illər Bakı Şəhər İcra Hakimiyyətinin tabeliyində olan "Bakı Şəhər Əsaslı Tikinti və Təmir" MMC tərəfindən keçirilən milyonluq tender müsabiqələrinin qalibi olub. "Star-Construktion 12” digər dövlət qurumlarının da təşkil etdiyi tenderlərdə qalib kimi adı hallanıb. (qaynarinfo)