Samux rayon sakinində narkotik maddə aşkarlanıb.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, Samux Rayon Polis Şöbəsinin (RPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilinən rayon sakini Teymur Məmmədov saxlanılaraq polis şöbəsinə gətirilib.

Onun üzərinə baxış keçirilən zaman külli miqdarda narkotik vasitə olan marixuana aşkar edilərək götürülüb.

Götürülən maddi sübutlar ekspertizaya təqdim edilib.

Avtosfer.az-ın əldə etdiyi məlumata görə, Teymur Məmmədov ilkin ifadəsində bildirib ki, Kür çayında balıq tutan zaman çayda göy rəngli sellofan üzdüyünü görüb. Onu çıxardıb və açan zaman narkotik vasitə olduğunu anlayıb.

Faktla bağlı RPŞ-də araşdırmalar davam etdirilir.