SEPAH-ın daha bir polkovniki öldürüldü

İranda daha bir SEPAH polkovniki öldürülüb.

Avtosfer.az-ın “Mouze“ teleqram kanalına istinadən məlumatına görə, İnqilab Keşikçiləri Korpusunun (SEPAH) polkovniki Qasım Nəsiri noyabrın 20-də Qərbi Azərbaycan əyalətinin Sərdəşt şəhərində qətlə yetirilib.

Onun iğtişaşçı adlandırılan etirazçıların öldürdüyü bildirilib.

İran hökumətinə müxalif təşkilatlardan bəziləri, o cümlədən İran Xalq Mücahidləri Təşkilatı da, polkovnikin etirazçılar tərəfindən öldürüldüyünü təsdiq edib.

Bildirilir ki, Sərdəşt şəhərində etiraz nümayişlərinə qoşulanlara qarşı amansız davranılır. (lent.az)