“VAZ-2106”- dan heroin tapıldı

Biləsuvarda narkotik vasitələrin qanunsuz dövriyyəsində şübhəli bilinən şəxslər saxlanılıb.

Daxili İşlər Nazirliyinin mətbuat xidmətindən  Avtosfer.az-a verilən məlumata görə, rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat tədbiri nəticəsində A.Abbaslının idarə etdiyi “VAZ-2106” markalı avtomobil şəhər ərazisində nəzarət qaydasında saxlanılıb. Avtomobilə baxış zamanı oradan 2 kiloqrama yaxın heroin, 54 qramdan artıq metamfetamin aşkar edilib.

Şəxsi axtarış zamanı A.Abbaslının sərnişinləri, B.Rufullazadədən, S.Rufullazadədən  və Ş.Kazımlıdan  heroin götürülüb.

Araşdırma aparılır.