Xarici investor Azərbaycanda 1 milyon manata helikopter özəlləşdirib - FOTO

Birləşmiş Ərəb Əmirliklərindən olan investor İqtisadiyyat Nazirliyi yanında Əmlak Məsələləri Dövlət Xidmətinin keçirdiyi növbəti hərracda “Airbus Helicopters EC-135P2” markalı helikopteri ilkin start qiymətinə - 1 milyon manata özəlləşdirib.
Report xəbər verir ki, buraxılış tarixi 2009-cu il olan helikopterin uçuş müddəti 90 saatdır.
Hərracın qalibi "Flatter Wings” şirkətinin təmsilçisi Qleb Borşnev bildirib: "Helikopterin hərraca çıxarılmasını internetlə bildik. O, hazırda nasaz vəziyyətdədir, Dubaya aparıb təmir etdirdikdən sonra yükdaşımalarda istifadə edəcəyik. Şirkətimiz bu sahədə ixtisaslaşıb və parkımızda 39 helikopter var. Biz dünyadakı bütün helikopter hərraclarında iştirak edirik. Azərbaycanda ilk dəfədir hərraca qatılırıq".
Hərracda helikopterlə yanaşı, “Yevlax Tikinti Servis” SC-nin 30,12%-lik səhm paketi və 29 nəqliyyat vasitəsi özəlləşdirilib.
Hərracda nəqliyyat vasitələrinə maraq böyük olub və avtomobillər rəqabətli şəkildə satılıb. İlkin satış qiyməti 7 600 manat olan “BMW 523İ” markalı avtomobilə son təklif 14 200 manat, ilkin satış qiyməti 15 000 manat olan “Toyota HILUX MİNİK” markalı avtomobilə isə son təklif 24 350 manat olub.
Özəlləşdirilən dövlət əmlaklarından dövlət büdcəsinə 1,2 milyon manat vəsaitin ödənilməsi nəzərdə tutulur.
Hərracda özəlləşdirilən dövlət əmlakının siyahısı ilə buradan tanış olmaq mümkündür: (https://bit.ly/3EbTPSD)
Növbəti hərraclar 22, 29 və 30 noyabr tarixlərində keçiriləcək. Bu hərraclara ümumilikdə 4 səhmdar cəmiyyətinin səhm paketi, 26 kiçik dövlət müəssisə və obyekti, 61 nəqliyyat vasitəsi çıxarılacaq.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO




















