Yağışın yollarda səbəb olduğu fəsadlar aradan qaldırılır - VİDEO

Ölkə ərazisində müşahidə olunan intensiv və güclü yağışın yollarda səbəb olduğu fəsadların aradan qaldırılması istiqamətində Azərbaycan Avtomobil Yolları Dövlət Agentliyi tərəfindən mövcud şəraitə uyğun olaraq tədbirlər davam etdirilir.

Bu barədə Avtosfer.az-a AAYDA-dan məlumat verilib. 

Qeyd edək ki, öncədən hava ilə əlaqədar yayılmış xəbərdarlığa əsasən agentliyin bütün təşkilatları gücləndirilmiş iş rejiminə keçib, yollarda suların  kənarlaşdırılmasını təmin edən bütün nasoslar tam gücü ilə çalışmağa davam edir.

Əlavə olaraq fövqaladə hallarda mobil briqadalar fəaliyyət göstərir. Mobil briqadalar suların ekstremal vəziyyətdə kənarlaşdırılması üçün lazımi texniki avadanlıqlarla təchiz edilib.