Maşının suya batmaması üçün 3 saniyədə 3 dəfə qayda pozan sürücü - 99 ZT 818 - VİDEO

Bakının Hüseyn Cavid prospektində qayda pozan sürücü qəza şəraiti yaradıb. Avtosfer.az bildirir ki, 99-ZT-818 nömrə nişanlı “Nissan Juke” markalı avtomobilin sürücüsü orta zolaqda hərəkətdə olarkən su gölməçəsinə girməmək üçün sağ zolağa keçir. Daha sonra isə dairəyə daxil olmaq üçün bir anda sükanı sola döndərərək hərəkətdə olan digər avtomobilin önünə keçib. Videonu qeydə alan registratorlu avtomobilin sürücü isə anidən önünə çıxan “Nissan”a görə yarana biləcək qəzadan əyləcə basaraq son anda yayına bilib. Sol zolağa keçərək dairəyə daxil olan “Nissan”nın sürücüsü həm təhlükəsizlik adacığının üstünə çıxıb, həm də sağdan gələnlərə yol verməyərək təhlükəli şərait yaradıb. 

Aysel