Badamdarda avtobus dayanacağı maşınların arasında itib-batdı - FOTO

Paytaxtın Badamdar qəsəbəsi, Abbasqulu Abbaszadə küçəsində dayanma-durma qaydalarını pozan sürücülər kameraya düşüb.

Avtosfer.az-ın məlumatına görə, xoşagəlməz hal iyunun 4-də günorta saatlarında qeydə alınıb. Fotolardan görünür ki, 77-SQ-395 dövlət nömrə nişanlı “Nissan” markalı avtomobilin sürücüsü nəqliyyat vasitəsini avtobus dayanacağının daxilində perpendikulyar formada park edib.

Bununla yanaşı, 90-OZ-699 dövlət nömrə nişanlı “Mazda” markalı, eləcə də “Mercedes” markalı və “Range Rover” markalı avtomobillər də dayanacağın yaxınlığında saxlanılıb. Nəticədə ictimai nəqliyyat vasitələrinin dayanacağa rahat daxil olması və sərnişinlərin minib-düşməsi çətinləşib.

Qeyd edək ki, qüvvədə olan qanunvericiliyə əsasən, nəqliyyat vasitələrinin avtobus dayanacağından ən azı 15 metr məsafədə saxlanılması tələb olunur.

Nərmin