Bakıda piyada faciəvi ölümdən son anda qurtuldu - ŞOK VİDEO

Bakıda sürücünün kobud və təhlükəli qayda pozuntusu faciə ilə bitəcəkdi. Sürücülərdən biri hadisə anını qeydə alaraq redaksiyamızın elektron ünvanına göndərib. Avtosfer.az xəbər verir ki, qeydiyyat nişanı məlum olmayan “Nissan Tiida” markalı avtomobilin sürücüsü aprelin 26-ı paytaxtın Dilarə Əliyeva küçəsində əks istiqamətə çıxaraq ötmə əməliyyatı edib. Yolayrıcına qırmızı işıqda daxil olan sürücü yaşıl işıqda hərəkət edən sürücü və piyadaların həyatını təhlükəyə məruz qoyub. Belə ki, Rəşid Behbudov küçəsi ilə hərəkət edən sürücülər təhlükəni görən anda dayanaraq qəzadan yayına biliblər. Həmçinin piyada keçidini yaşıl işıqda keçən piyada avtomobilin onu vuracağını görərək qaçıb. Videogörüntüdən aydın şəkildə görünür ki, piyada faciəvi ölümdən son anda qurtuldu.

Ümid edirik Dövlət Yol Polisi İdarəsinin əməkdaşları nəzarət kameraları vasitəsilə sürücünü müəyyən edib barəsində ciddi tədbir görəcək.

Təbriz