Bu ərazidə yerləşən piyada səkisi avtomobillərə “xidmət göstərir” - VİDEO

Avtomobillərini piyada səkisinə tam şəkildə park edən sürücülər insanların hərəkətini məhdulaşdırdı. 
Avtosfer.az xəbər verir ki, saytımızın əməkdaşı tərəfindən çəkilən fotoşəkil Biləcəri qəsəbəsinin Əhməd Qasımov küçəsində qeydə alınıb. Fotoşəkillərdən məlum olduğu kimi geyim mağazasının, marketin, restoranın qarşısındakı enli səkidə park edən “Hyundai” markalı, 99-LU-803 və 90-ZX-384 dövlət nömrə nişanlı, “Mercedes” markalı, 77-EE-320 dövlət nömrə nişanlı, “Toyota” markalı, 90-KL-649 dövlət nömrə nişanlı, 77-EY-807 dövlət nömrə nişanlı, 77-BK-116 dövlət nömrə nişanlı və “Saipo” markalı, 99-PV-268 dövlət nömrə nişanlı avtomobillər kütləvi halda dayanma-durma qaydalarını pozublar. Və təbii ki, park edilən avtomobillərin əksəriyyətində sahibləri sükan arxasında olmasalar da, “Saipo” markalı sürücü ətrafına bir qrup yığaraq “iş görür”. Qayda pozduqlarını bildikləri halda olduqca rahat davranan sürücülərə xatırlatma edək ki, kütləvi şəkildə baş vurduqları əməl İnzibati Xətalar Məcəlləsinin 346-cı maddəsinə ziddir və 20 manat cərimə ilə nəticələnir.

Nərmin Əkbər