Cəriməni 3 aydan sora ödəyən sürücünün vəsiqəsi alına bilərmi? - VİDEO

Yol polisi tərəfindən barələrində inzibati protokol tərtib edildikdən sonra təyin olunmuş cərimələri vaxtında ödəməyən şəxslər məhkəməyə verilir. Məhkəmə isə qərarında cəriməni ödəməyən şəxsin sürücülük hüququnu məhdudlaşdırır. Lakin bəzi hallarda məhkəməyə verilməmiş sürücülər dörd və ya beşinci aylarda cərimələrini ödədikdən bir müddət sonra polis əməkdaşları həmin şəxsə zəng edərək “Məhkəməyə müraciət edərək sizin sürücülüyünüzü məhdudlaşdıracağıq” kimi ifadələrdən istifadə edirlər.

Avtosfer.az-ın qaynar xəttinə daxil olan bir neçə şikayətdən sonra, bu məsələ ilə bağlı araşdırma apardıq. Hüquqşünas Ərşad Hüseynova sualımızı ünvanladıq. Hüquqşünas, belə halların yaşanmasının qanunauyğun olmadığını vurğuladı: “İnzibati Xətalar Məcəlləsinin 529.3-cü maddəsi üzrə məsuliyyət tətbiqində əsas məqsəd, gecikdirilmiş cərimənin ödənilməsini təmin etməkdir. Ona görə də cərimə ödənildikdən sonra heç bir şəxs sürücünü narahat edə bilməz.”

Onun sözlərini əsas götürüb qanuna nəzər salsaq, tam əminliklə deyə bilərik ki, belə halın yaşanması qanunlara ziddir.

Nurlan Sakitoğlu
Nərmin Əkbər