Dövlətin parklanma yerini zəncirləyib özəlləşdirən kimdir? - ŞİKAYƏT - VİDEO

Bakıda parklanma yerinin zəbt edilməsi sürücülərdə narazılıq yaradıb. Bu barədə bir neçə oxucu redaksiyamızın qaynar xəttinə şikayət ünvanlayıb. Onlar bildirir ki, parklanma yeri xüsusi dəmir konstruksiya və zəncirlərlə əhatəyə alındığı üçün sürücülər avtomobillərini orada park edə bilmirlər. Avtosfer.az xəbər verir ki, söhbət paytaxtın Xaqani küçəsi ilə Azadlıq prospektinin kəsişdiyi hissədən gedir. Təxminən 6 avtomobillik yer zəbt olunaraq özəlləşdirilib.

Qeyd edək ki, İnzibati Xətalar Məcəlləsinin 354-cü maddəsinə görə, yola bu cür süni maneələr quraşdıran şəxləri məsuliyyət gözləyir. Belə ki, fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilə bilər.

Qeyd: Material Azərbaycan Respublikasının Medianın İnkişafı Agentliyinin (MEDİA) maliyyə dəstəyi ilə “İctimai və dövlət maraqlarının müdafiəsi” istiqaməti üzrə hazırlanıb.

Müəllif: Könül