Əks yola çıxıb qabağa düşmək istəyən sürücü aləmi bir-birinə qatdı - VİDEO

Bu dəfə də dırnaqarası tələsən sürücülərdən biri yolda hərəkəti çətinləşdirib. Avtosfer.az xəbər verir ki, 10-SM-854 qeydiyyat nişanlı “Vaz 2106” markalı avtomobilin sürücüsü aprelin 18-i paytaxt küçələrinin birində əks istiqamətə çıxaraq qarşıdan gələn avtomobillərin yolunu kəsib. O, yolda hərəkətin dayandığını gördükdən sonra geriyə hərəkət etməli olub.

Yolda yaranan tıxac və sıxlıqlar əksər hallarda sürücülərin intizamsızlığı nəticəsində baş verir. Öz işini hər şeydən vacib hesab edən bu tip sürücülər qayda pozaraq həm sıxlıq yaradır, həm də bütün hərəkət iştirakçılarının həyatını təhlükə altında qoyur. İrad bildirdikdə isə nəzakətsiz şəkildə və hətta təhqir formasında cavab verərək özlərini haqlı çıxarmağa çalışırlar. Nəticədə isə gedəcəkləri ünvana tez çatmırlar.

Fərid