Mikroavtobusla avtoxuliqanlıq edib polisə tabe olmayan sürücü həbs edildi - FOTO

Bakıda mikroavtobusla avtoxuliqanlıq edən sürücü həbs edilib. Belə ki, 99-HS-418 qeydiyyat nişanlı "Mercedes Sprinter" markalı mikroavtobusun sürücüsü aprelin 15-də müxtəlif üsullarla davamlı olaraq yol hərəkəti qaydasını pozub və avtoxuliqanlıq hərəkətləri edib. Sürücü törətdiyi xətalara görə saxlanılan zaman yol polisi əməkdaşlarına qəsdən tabe olmayıb.

Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az-a açıqlamasında bildirib ki, tabesizlik göstərən sürücü ərazi aidiyyəti üzrə 20-ci Polis Bölməsinə təhvil verilən sürücü İnzibati Xətalar Məcəlləsinin  327.2, 342.7, 535.1 və 511.1-ci maddələrin tələbini pozduğuna görə barəsində toplanılmış materiallar məhkəməyə göndərilib.

Bu gün Nəsimi Rayon Məhkəməsinin qərarı ilə sürücünün nəqliyyat vasitəsini idarəetmə hüququ 1 illik məhdudlaşdırılıb və 1 ay müddətinə inzibati qaydada həbs olunub.
 

Təbriz