Nişan olmasa da bu yerlərdə dayanmayın - CƏRİMƏ YAZILIR - FOTO

Bəzi sürücülər hələ də dayanma-durmanın qadağan edildiyi hallardan hələ də xəbərsizdirlər. Sürücülərdən biri sosial şəbəkədə cərimə protokolunun şəklini paylaşaraq "burada heç bir nişan yoxdur, amma mənə cərimə yazılıb" - başlığı ilə paylaşım edib. Çox təəssüf ki, sürücülər hələ də elə bilirlər dayanma-durma yalnız 3.27 və 3.28 nişanları ilə qadağan edilir. Lakin "Yol hərəkəti haqqında" qanunun 52-ci maddəsində dayanma-durmanın digər halları da qeyd edilib. Bunlardan biri də yolayrıcına və ya kəsişmə yerinə 5 metrdən yaxın dayanmaqdır.

Təqdim etdiyimiz fotodakı sürücü kəsişmə yerinə 5 metrdən yaxın dayandığı üçün onun barəsində yazılmış cərimə tam qanunidir.

Fərid