Özü qayda pozur, başqasını borclu çıxarır - FOTO

Bu foto təsadüfən, Azneft dairəsində avtobus gözləyərkən çəkilib. 

77KF571 nömrə nişanlı avtomobil 65 saylı avtobus üçün ayrılmış dayanacağa daxil oldu. Sürücü qayda pozması azmış kimi qarşıda dayanaraq sərnişin düşürən avtobusdanəvvəlcə işıq, sonra səs siqnalları ilə yoldan çəkilməsini tələb etdi. Təbii ki, sifariş dərhal icra olunmadı. 

Avtobus sərnişin doldurub yola düşdükdən sonra minik avtomobilinin sürücüsü də acıqlı şəkildə yoluna davam etdi.

Bəs bu sürücü hansı qaydanı pozub?
Ərazidə həm dayanacaq işarəsi, yerdə də sarı xəttin olması o deməkdir ki, bura birmənalı şəkildə girmək olmaz. Dayanmaq lazım gəldikdə isə, 20 metr yuxarıda boş yer mövcuddur. Deməli, sürücü qaydanı məqsədyönlü şəkildə pozub.