Şəhərin mərkəzində avtoxuliqanlıq edib maşını xanımların üzərinə sürdü - VİDEO

Xətai rayonu Nobel prospektində qayda pozaraq təhlükə saçan sürücünün videosu sosial şəbəkələrdə qınaq obyektinə çevrilib.
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Görüntüdən məlum olduğu kimi, 77-AT-043 dövlət nömrə nişanlı “KIA” markalı avtomobilin sürücüsü kobud qayda pozuntusuna baş vurub. Belə ki, o, öncə avtomobillə təhlükəli manevrlər edərək nəqliyyat vasitəsini yol boyu hərəkət edən piyadaların üzərinə sürüb. Qəza təhlükəsi yaradan sürücü daha sonra əks zolağa çıxaraq ardıcıl olaraq manevr qaydasını pozub. Sonda o, yenidən öz zolağına qayıdıb.

Nərmin