Sürücü əks yola çıxıb irəli düşmək istədi, lakin... - VİDEO

Təhlükəli manevrlər edən sürücünün videogörüntüsü avtomobildəki kameraya qeyd olunub. Avtosfer.az xəbər verir ki, 99-VE-195 qeydiyyat nişanlı "Toyota Prius" markalı avtomobilin sürücüsü fevralın 17-i paytaxtın Aşıq Ələsgər küçəsində ara məsafəsini gözləmədən təhlükəli şəkildə ötmə əməliyyatı həyata keçirib. Daha sonra qarşısındakı avtobusu keçmək üçün qoşa xəttin tələbini pozaraq əks istiqamətli zolaqda axına qarşı hərəkət edib.
Bütün bu hərəkətlərdən sonra sürücü "Ukrayna" dairəsində dayanaraq avtomobillərə yol verməli olub.

Videodan da göründüyü kimi sürücü qaydaları pozub yüksək sürətlə hərəkət edərək irəli düşmək istəyib, lakin bu alınmayıb.
Bu cür sürücülərdən qaydaları nəyə görə pozduğunu soruşduqda isə, ya tələsirəm, ya da xəstəm var deyərək müxtəlif bəhanələr gətirirlər. Pozduqları qaydaya görə vaxt udmadıqlarını isə heç vaxt anlamaq istəmirlər.

Təbriz