Tıxac olduğunu görən sürücü keçidin üzərinə çıxıb piyadanın yolunu kəsdi - VİDEO

Bakıda yol hərəkəti qaydasını pozan sürücünün videosunu oxuculardan biri redaksiyamızın elektron ünvanına göndərib. Avtosfer.az xəbər verir ki, hadisə noyabrın 3-də, paytaxtın Bəxtiyar Vahabzadə küçəsi ilə Əhməd Cəmil küçəsinin kəsişməsində baş verib. Belə ki, "Uber" şirkətinə məxsus 99-NY-428 qeydiyyat nişanlı "Toyota Prius" markalı avtomobilin sürücüsü yolayrıcında sıxlığın yaranmasını görsə də, sol zolaqdan sağa dönüb. Bu zaman həm piyadaya yol verməyib, həm də avtomobilin arxa hissəsi keçidin üzərində qalıb. Bu cür hallarda sürücü keçidə, kəsişmə yerlərinə və yolayrıclarına daxil olmamalıdır. Çox təəssüf ki, əksər sürücülər hələ də bu qaydaya əməl etmir.

Könül