Vəzifədən sui-istifadə edən məmurun kobud qayda pozuntusu - VİDEO

İcra məmurunun bir neçə kobud qayda pozuntusunu oxuculardan biri redaksiyamızın elektron ünvanına göndərib. Avtosfer.az xəbər verir ki, İcra Xidmətinə məxsus 10-AO-152 qeydiyyat nişanlı "Nissan" markalı avtomobilin sürücüsü Gəncə şəhərində manevr qaydasını pozaraq görüntünü qeydə alan sürücüyə təhlükə yaradıb. O, daha sonra qoşa xəttin tələbini pozaraq əks istiqamətli hərəkət zolağında ötmə edib və svetoforun qırmızı işığında dayanmadan hərəkətinə davam edib.

Qeyd edək ki, bu avtomobil İcra Xidmətinə məxsus xidməti avtomobil olsa da, operativ nəqliyyat vasitəsi sayılmır. Bəzi dövlət məmurları elə düşünür ki, onlara məxsus xidməti avtomobillə istənilən hərəkəti etmək olar. Bu qətiyyən belə deyil. Əgər həmin xidməti avtomobil operativ nəqliyyat vasitələri siyahısına daxil deyilsə və operativ nəqliyyat vasitəsi kimi təchiz edilməyibsə, deməli adi nəqliyyat vasitəsidir. Həmin avtomobillə törədilən hər bir xəta qeydə alınmalı və xətanı törədən sürücü məsuliyyətə cəlb olunmalıdır.

Fərid