Xanım sürücü maşını yolun ortasında qoyub dönər almağa getdi - VİDEO

Bakıda xanım sürücünün etdiyi hərəkəti qeydə alan oxucu həmin videonu redaksiyamızın elektron ünvanına göndərib. Avtosfer.az xəbər verir ki, 90-ZO-080 qeydiyyat nişanlı "Hyundai" markalı avtomobilin sürücüsü paytaxtın Badamdar şossesində dayanma-durma qaydasını pozub. O, avtomobili yolun ikinci cərgəsində çəpəki park edərək yaxınlıqdakı restorandan dönər almağa gedib. Sürücünün etdiyi bu hərəkət yolda sıxlığın yaranmasına səbəb olub.

Adətən sürücülər yollarda olan sıxlıqlardan və tıxaclardan şikayətlənirlər. Hansısa bir sürücünün dayanma-durma qaydasını pozub tıxac yaratması hamını qıcıqlandırır və həmin şəxslər qayda pozan sürücüyə irad bildirməyə başlayır. Lakin həmin irad bildirən şəxslər öz rahatlıqları üçün qayda pozan zaman, digər sürücülərə təhlükə yaratdıqlarının fərqinə varmırlar. Bir sözlə, bu cür insanlar özünü hamıdan vacib hesab edir və hansısa iş dalınca gedəndə "görmürsən tələsirəm"- deyərək öz işini digər insanların işindən vacib hesab edir. Buna görə də yollarda sıxlıq, tıxac, qayda pozuntuları və qəzalar artmaqda davam edəcək.

Fərid