Xızının yol polisləri sürücülərə qarşı reydləri davam etdirir - FOTO

Xızı rayonu ərazisində yol hərəkəti təhlükəsizliyinə dair təbliğat xarakterli tədbirlər davam etdirilir. Avtosfer.az xəbər verir ki, bu gün Xızı rayon Dövlət Yol Polisi Bölməsinin əməkdaşları təhlükəsizlik kəmərlərindən, işıq cihazlarından və səs siqnallarından istifadə qaydalarının pozulmasına görə, o cümlədən motosiklet, moped və velosiped sürücüləri tərəfindən yol hərəkəti qaydalarına riayət olunmasına nəzarətin həyata keçirilməsi ilə bağlı reyd təşkil olunub. Reyd zamanı qayda pozuntusuna yol verən sürücülər aşkarlanıb və onlarla maarifləndirici söhbətlər aparılıb. İşıq cihazlarından düzgün istifadə etməməyin digər hərəkət iştirakçıları üçün təhlükə yaratdığını, eləcə də təhlükəsizlik kəmərinin əhəmiyyəti barədə sürücülərə məlumat verilib.

Təbriz