Yol polisindən qaçan sürücü süni tıxacla dayandırılıb həbs edildi - FOTO

Bakıda yol polisinin qanuni göstərişinə tabe olmayan sürücü həbs olunub. Avtosfer.az xəbər verir ki, 99-BA-071 qeydiyyat nişanlı "Vaz 2106" markalı avtomobilin sürücüsü aprelin 28-i paytaxtın Mikayıl Müşviq küçəsində hərəkətdə olarkən yol polisi əməkdaşlarının saxla işarəsinə tabe olmayaraq Mətbuat prospekti istiqamətinə hərəkət edib. Yol polisi əməkdaşlarının yaratdığı süni tıxac vasitəsilə sürücü saxlanılıb və yenə də polisin qanuni tələblərinə qəsdən tabe olmayıb.

Bakı Şəhər Dövlət Yol Polisi İdarəsinin bölmə rəisi polis pokovniki Vaqif Əsədov Avrosfer.az-a açıqlamasında bildirib ki, sürücü törətdiyi əmələ görə ərazi aidiyyəti üzrə 28-ci Polis Bölməsinə gətirilib. Sürücü Aydayev Xaqan Toğrul oğlu barəsində İnizbati Xətalar Məcəlləsinin 327.2, 327.3, 342.2 və 535.1-ci maddəsi ilə protokol tərtib edilərək toplanılmış materiallar məhkəməyə göndərilib. Məhkəmənin qərarı ilə sürücü 20 gün müddətinə inzibati qaydada həbs olunub.

Təbriz