Yüngül qəzanı yolun ortasında həll edə bilməyən sürücülər tıxac yaratdılar - VİDEO

Xırdalan şəhərində yüngül qəza keçirən sürücülər yolda tıxacın yaranmasına səbəb olublar. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, bir-birinə yüngül şəkildə toxunan sürücülər ikinci cərgədə dayanaraq hərəkət zolağını zəbt ediblər. Bu səbəbdən yolda sıxlıq yaranıb. Videodan da aydın şəkildə görünür ki, avtomobillərdə heç bir zədə yoxdur. Qarşıda yolun sağ kənarında kifayət qədər boş yerlərin olmasına baxmayaraq, sürücülər qəza baş verən yerdən tərpənməyiblər.

Sürücülərə tövsiyə olunur ki, yüngül qəzalar baş verdikdə yolun kənarında dayanaraq prosedura uyğun hərəkət etsinlər. Əksər sürücülərin yaddaşında yanlış bir fikir formalaşıb ki, qəza zamanı maşınları yerindən tərpətmək olmaz. Əslində, qəzanın günahkarı məlumdursa, avtomobillərin yol kənarında dayanmasına ehtiyac yoxdur. Belə hallarda sürücülər birbaşa Dövlət Yol Polisi İdarəsinə müraciət edərək yol-nəqliyyat hadisəsini rəsmiləşdirməlidirlər.

Fərid