«06» aşdı, mandarinlər yola dağıldı - FOTO

Cəlilbad rayonunda iki minik avtomobilinin toqquşması ilə nəticələnən yol qəzası baş verib. Avtosfer.az-ın anspress-ə istinadən verdiyi məlumata görə, hadisə Ələt Astara magistral yolunun Cəlilabad rayonundan keçən hissəsində qeydə alınıb. Yolda hərəkətdə olan «VAZ-2114» markalı avtomobillə «VAZ-2106» markalı avtomobil toqquşub.  Qəzanın təsirindən «VAZ-2106» markalı avtomobil yoldan çıxaraq aşıb və avtomobilin içinə yüklənmiş mandarinlər yola dağılıb. Hadisə nəticəsində iki nəfər xəsarət alıb. Yaralılar hadisə yerinə çağırılmış təcili tibbi yardım maşını ilə xəstəxanaya çatdırılıb. Faktla bağlı araşdırma aparılır.