8 yaşlı məktəblini maşın vurdu - YENİLƏNİB

Şirvanda səkkiz yaşlı məktəblini avtomobili ilə vuraraq ağır yaralayan sürücünün kimliyi məlum olub.

Daxili İşlər Nazirliyinin Mətbuat Xidmətinin Şirvan regional qrupundan Avtosfer.az-a bildirib ki, qeyd edilən yol-nəqliyyat hadisəsi bugün saat 17 radələrində şəhər ərazisində baş verib.

R.Mehdiyev idarə etdiyi nəqliyyat vasitəsi ilə hərəkətdə olan zaman məktəblini vurub. Müxtəlif dərəcəli bədən xəsarətləri alan azyaşlı xəstəxanaya yerləşdirilib.

Faktla bağlı Şirvan ŞPŞ-də araşdırmalar aparılır.

***

Şirvanda 8 yaşlı məktəblini avtomobil vuraraq ağır yaralayıb.

Şirvan sakini, 2015-ci il təvəllüdlü Adilə Əliyevanı məktəbdən çıxıb yolu keçərkən avtomobil vurub. Azyaşlı ağır xəsarətlərlə Şirvan xəstəxanasına yerləşdirilib.

Faktla bağlı araşdırma aparılır. (apa)