235 min dollarlıq “Ferrari” dərəyə aşdı, bu hala düşdü - FOTO

Böyük Britaniyada "Ferrari Roma"nın sürücüsü yaş yolda idarəetməni itirərək, xəndəyə çırpılıb.

Avtosfer.az publika.az-a istinadən xəbər verir ki, bu barədə Uorikşir polisi məlumat yayıb. Sürücü yalnız yüngül xəsarətlər alıb, lakin fotoşəkillərdən avtomobilə çox ciddi ziyan dəydiyi görünür.

Hadisənin dekabrın 31-də baş verdiyi bildirilir. Qəzaya uğramış "Ferrari Roma"nın qiymətinin indiki məzənnə ilə 186 min funt sterlinq və ya 235,5 min dollar olduğu bildirilir.

Xatırladaq ki, dekabr ayında Ferrari ilə daha bir qəza baş vermişdi - ayın ortalarında aktyor Maykl B. Jordan 429 min dollar dəyərində "Ferrari 812 Superfast" avtomobili ilə park edilmiş avtomobilə çırpılmışdı.