58 yaşlı kişini avtomobil vurub - Gəncədə

Gəncədə piyadanın xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə şəhərin Ş.İ.Xətai prospekti ilə H.Əliyev prospektinin kəsişməsində qeydə alınıb. Hərəkətdə olan, "VAZ-2106" markalı avtomobil, yolu keçmək istəyən Gəncə şəhər sakini, 1962-ci il təvəllüdlü Nəbi Abdullayevi vurub. Qəza nəticəsində piyada müxtəlif bədən xəsarətləri alaraq Gəncə şəhər Təcili Tibbi Yardım Xəstəxanasına aparılıb.

Faktla bağlı araşdırma aparılır.